ត្រាំ ត្រៀមដំឡើងពន្ធលើទំនិញចិន តម្លៃ២០០ពាន់លាន$បន្ថែមទៀត ដោយមិនខ្វល់ពីការចរចា

ត្រាំ ត្រៀមដំឡើងពន្ធលើទំនិញចិន តម្លៃ២០០ពាន់លាន$បន្ថែមទៀត ដោយមិនខ្វល់ពីការចរចា

Posted 17/9/2018

បើទោះបីជាកិច្ចចរចាពាណិជ្ជកម្មរវាងអាមេរិកជាមួយចិន ដែលធ្វើឡើងនៅទីក្រុងប៉េកាំងជិតឈានចូលមកដល់ក៏ដោយ អាចមេរិកនូវតែបន្តត្រៀមដំឡើងពន្ធលើទំនិញថ្មីរបស់ចិន ដែលមានតម្លៃប្រមាណ ២០០ពាន់លានដុល្លារបន្ថែមទៀត។ នេះបើយោងតាមការចុះផ្សាយរបស់សារព័ត៌មាន CNBC នាពេលថ្មីៗនេះ។

សារព័ត៌មានដដែល បានបញ្ជាក់ថា ការត្រៀមដំឡើងពន្ធបន្ថែមរបស់អាមេរិកនេះ ធ្វើឡើងបន្ទាប់ពីលោក ដូណាល់ ត្រាំ ជួបពិភាក្សាជាមួយទីប្រឹក្សាពាណិជ្ជកម្មជាច្រើនរូប ដូចជា៖ លោក Steven Mnuchin រដ្ឋលេខារតនាគារ​អាមេរិក និងលោករដ្ឋមន្រី្តក្រសួងពាណិជ្ជកម្ម Wilbur Ross ព្រមទាំងតំណាងពាណិជ្ជកម្មអាមេរិកលោក Robert Lighthizer កាលពីសប្តាហ៍មុន។

ការដាក់ទណ្ឌកម្មរបស់អាមេរិក ទៅលើទំនិញរបស់ចិនដែលមានតម្លៃប្រមាណ ២០០ពាន់លានដុល្លារទៀសោត មិនបានកំណត់កាលបរិច្ឆេទ​ជាក់លាក់​នោះ​ទេ ហើយចិនក៏មិនបានបង្ហាញសញ្ញានៃការព្រួយបារម្ភអ្វីនោះដែរ។

គួរបញ្ជាក់ថា នាពេលកន្លងមក អាមេរិក​បាន​ដំឡើង​ពន្ធចំនួន ២៥ភាគរយ ទៅលើ​ទំនិញ​ចិនរួចហើយ ដែល​ស្មើ​នឹងទឹកប្រាក់ប្រមាណ ៥០ពាន់​លាន​ដុល្លារ​អាមេរិក។ ជាមួយគ្នានេះ ចិនក៏បានដាក់ទណ្ឌកម្មទៅលើទំនិញអាមេរិក ដែលមានតម្លៃប្រមាណ ៦០ពាន់លានដុល្លារអាមេរិកផងដែរ ៕

អត្ថបទដោយ៖ ម៉េង សុងលី