លោកស្រីចន្ទី ទិវា៖ ខ្ញុំស្មោះត្រ់ងជាមួយម្ចាស់អចលនទ្រព្យខ្លាំងណាស់ ទើបអាជីវកម្មរីកចម្រើនបែបនេះ

លោកស្រីចន្ទី ទិវា៖ ខ្ញុំស្មោះត្រ់ងជាមួយម្ចាស់អចលនទ្រព្យខ្លាំងណាស់ ទើបអាជីវកម្មរីកចម្រើនបែបនេះ

Posted 18/9/2018

ការរកស៊ីវិស័យអចលនទ្រព្យ ហាក់មានភាពរសើបច្រើនមិនថា ក្នុងសង្គមខ្មែរយើង ឬប្រទេសដទៃ មានបញ្ហាច្រើនរាប់មិនអស់ មានខ្លះជោគជ័យ ខ្លះបរាជ័យធ្ងន់ធ្ងរធ្លាក់ខ្លួនក្រក៏មាន។ ជំនួញជោគជ័យតែងរំលេចឡើងឲ្យយើងឃើញនូវចំណុចសំខាន់ៗដូចជា ការបំពេញតម្រូវការទីផ្សារ ដោះស្រាយបញ្ហាសង្គម ជំរុញការអភិវឌ្ឍន៍សង្គមជាដើម។ ហើយចំណុចពិសេសមួយទៀតនោះ គឺភាពស្មោះត្រង់រវាងអ្នករកស៊ី និងអតិថិជន ឬអ្នករកស៊ីជាមួយដៃគូរកស៊ីដូចគ្នា បើគ្មានភាពស្មោះត្រង់ទេ ច្បាស់ណាស់អាជីវកម្មបរាជ័យងើបមុខមិនរួចនោះទេ។

លោកស្រីចន្ទី ទិវា ជាស្ថាបនិកក្រុមហ៊ុន Century 21 Advanded Property បានថ្លែងប្រាប់Business Cambodia ថាអាជីវកម្មវិស័យអចលនទ្រព្យរីកចម្រើនដូចសព្វថ្ងៃនេះ ដោយសារតែលោកស្រីប្រកាន់ជំហរស្មោះត្រង់ជាមួយដៃគូ ជាពិសេសអតិថិជន ដែលជាម្ចាស់អចលនទ្រព្យតែម្តង។ យើងមិនអាចធ្វើការរកស៊ី ដោយសារតែលុយនោះទេ បើទោះបីជាការចេញរកស៊ី ត្រូវការប្រាក់ចំណេញក្តី តែគុណតម្លៃសំខាន់របស់អាជីវកម្ម គឺការគោរព ស្មោះត្រង់ ដោះស្រាយបញ្ហាជូនអតិថិជន ទើបជាចំណុចសំខាន់ដែលសហគ្រិនទាំងអស់គួរចាប់អារម្មណ៍។

លោកស្រីបញ្ជាក់ថា ភាពស្មោះត្រង់ដល់អតិថិជនដែលជាម្ចាស់អចលនទ្រព្យ បានធ្វើឱ្យពួកគេទុកចិត្តលើក្រុមហ៊ុន ហើយតែងតែប្រើប្រាស់សេវាកម្មនៅពេលត្រូវការ។ បន្ថែមពីលើនេះ ពួកគេបានណែនាំអ្នកស្គាល់គ្នាផ្សេងទៀត ឱ្យមកប្រើប្រាស់សេវាកម្មក្រុមហ៊ុនផងដែរ ព្រោះពួកគេជឿជាក់ខ្លាំង ហើយជំរុញឱ្យក្រុមហ៊ុនចេះតែមានអតិថិជនល្អៗច្រើនឡើងៗ។

ជាការពិតណាស់ រកស៊ីវិស័យអចលនទ្រព្យ សហគ្រិនគ្រប់រូបត្រូវតែមានសុចរិតភាពជាគ្រឹះ ទើបអាជីវកម្មទទួលបានជោគជ័យ និងមាននិរន្តភាពយូរអង្វែងបាន។ ពាក្យថា សុចរិត មានន័យថា ការប្រព្រឹត្តល្អទាំងកាយ វាចា ចិត្ត បើនិយាយអំពីជំនួញមានសុចរិតភាព គឺជំនួញណាបង្កើតឡើង សម្រាប់បំពេញតម្រូវការសង្គម ដោះស្រាយបញ្ហា ដោយគ្មានកេងចំណេញលើអតិថិជន ដោយភាពមិនស្មោះត្រង់ឡើយ។ ជំនួញសុចរិត គឺបានផ្តល់ផលប្រយោជន៍ទាំងអ្នកលក់ និងអ្នកទិញ ឬចំណេញទាំងពីរ គ្មាននរណាម្នាក់រងគ្រោះដោយសារទំនិញ ឬសេវាកម្មរបស់យើងឡើយ ជាពិសេសអតិថិជនប្រើប្រាស់សេវាកម្មរបស់យើងតែម្តង។

ក្រុមហ៊ុនអចលនទ្រព្យល្អ ឬមានសុចរិតភាពហើយ មូលហេតុអ្វី ចាំបាច់ធ្វើទីផ្សារទៀត? ការធ្វើទីផ្សារឡើង ក្នុងគោលបំណងចម្បង គឺចង់បង្ហាញការពិត ឬអំពីព័ត៌មាននៃទំនិញ ឬសេវាកម្មណាមួយនោះដល់អតិថិជន តែប៉ុណ្ណោះ។ តែក្រុមហ៊ុនខ្លះ បានប្រើប្រាស់ឧបករណ៍ទីផ្សារក្នុងផ្លូវខុស ដោយផ្តល់ព័ត៌មានខុសការពិតជាក់ស្តែង ធ្វើឲ្យអតិថិជនទទួលបានព័ត៌មានមិនពិត ប្រើប្រាស់របស់មិនត្រឹមត្រូវ រងគ្រោះ ខាតប្រយោជន៍ពីជំនូញរបស់យើងទៅវិញ។

លទ្ធផលបានមកត្រឹមតែចំណេញច្រើនក្នុងរយៈពេលខ្លីណាមួយ ចុងក្រោយនិងបាត់បង់អតិថិជន លែងមានអ្នកគាំទ្រតទៅទៀត ធ្វើឲ្យអាជីវកម្មបរាជ័យតែម្តង។ ទាក់ទងនិងសិល្បៈនៃការធ្វើទីផ្សារ គឺមានគោលបំណងសំខាន់ផ្តល់នូវព័ត៌មានអំពីទំនិញរបស់យើងដល់អតិថិជនតែប៉ុណ្ណោះ មិនអាចប្រើការបោកប្រាស់ ជាឈ្នាន់ ដើម្បីទទួលបានអតិថិជនច្រើននោះទេ។ អ្នកត្រូវចាំថា នៅពេលអតិថិជនប្រើប្រាស់ទំនិញ ឬសេវាកម្មយើងហើយ មានការរីកចម្រើន នោះជំនួញរបស់យើងក៏រីកច្រើនតាមនេះដែរ។

លោកស្រីធ្លាប់លើកឡើងថា ទោះបីជាចេញរកស៊ីមានការលំបាកយ៉ាងណាក្តី នៅតែមានបេះដូងស្រឡាញ់ការរកស៊ីវិស័យនេះដដែល គ្មានចិត្តគិតកែឈប់នោះទេ។ ប៉ុន្តែកាន់តែជួបបញ្ហា កាន់តែមានចិត្តពុះកញ្ច្រោលចង់រកស៊ី និងដោះស្រាយបញ្ហាកាន់តែខ្លាំងថែមទៀត។ កាន់តែជួបញ្ហា កាន់តែធ្វើឱ្យសហគ្រិនរឹងមាំ បើយើងខ្លាចបញ្ហា មិនបាច់ចេញរកស៊ីនោះទេ ព្រោះបញ្ហានេះហើយដែលអាចធ្វើឱ្យយើងរីកចម្រើន និងជោគជ័យទៅបាន៕

ដកស្រង់ចេញពី គេហៈទំព័រ business-cambodia