កម្ពុជា-ថៃគ្រោងបង្កើតច្រកទ្វារព្រំដែនថ្មីមួយទៀតនៅខែធ្នូ​ ឆ្នាំ២០១៨នេះ

កម្ពុជា-ថៃគ្រោងបង្កើតច្រកទ្វារព្រំដែនថ្មីមួយទៀតនៅខែធ្នូ​ ឆ្នាំ២០១៨នេះ

Posted 17/9/2018

គម្រោងច្រកទ្វារព្រំដែនស្ទឹងបត់រវាងព្រំដែនកម្ពុជា-ថៃ គ្រោងនឹងបើកការដ្ឋានសាងសង់នៅខែធ្នូឆ្នាំ២០១៨នេះ​ហើយ នៅភូមិស្ទឹងបត់ សង្កាត់ប៉ោយប៉ែត ក្រុងប៉ោយប៉ែត ដើម្បីជាការឆ្លើយតបនៃកំណើនសេដ្ឋកិច្ចរបស់ប្រទេសកម្ពុជា និងការធ្វើពាណិជ្ជកម្មជាមួយប្រទេសថៃ។

នៅក្នុងជំនួបសម្តែងការគួរសមពីគណៈប្រតិភូNEDA ជាមួយ ឯកឧត្តម ស៊ុន ចាន់ថុល កាលពីថ្ងៃសុក្រទី១៤ខែកញ្ញាឆ្នាំ២០១៨ ភាគីទាំងពីបានពិភាក្សាពីនិតិវិធីពន្លឿនទៅលើគម្រោងនៃការសាងសង់ច្រកទ្វារព្រំដែនអន្តរជាតិស្ទឹងបត់ ក្រោមកិច្ចព្រមព្រៀងប្រាក់កម្ចីសម្បទាន រវាងព្រះរាជាណាចក្រថៃ និងព្រះរាជាណាចក្រកម្ពុជា។ នៅក្នុងកិច្ចពិភាក្សានោះដែរ ភាគីទាំងសងខាងរំពឹងថាគម្រោងច្រកទ្វាព្រំដែនស្ទឹងបត់ នឹងបើកការរដ្ឋានសាងសង់នៅ ខែធ្នូ ឆ្នាំ២០១៨​ ខាងមុខ នេះ។ នៅក្នុងជំនួបនេះ ក៏បានពិភាក្សាផងដែរអំពីជំនួយបច្ចេកទេសពីទីភ្នាក់ងារNEDA  សម្រាប់គម្រោងធ្វើឲ្យប្រសើរឡើងផ្លូវជាតិលេខ ៦៧ ពីខេត្តសៀមរាបទៅកាន់ស្រុកអន្លង់វែងនិងបន្តទៅជាំស្រងាំជាប់ព្រំដែនថៃ។

គួរបញ្ជាក់ផងដែរថាច្រកទ្វារព្រំដែនស្ទឹងបត់នេះ នឹងក្លាយទៅជាច្រព្រំដែនសំខាន់ទីពីរនៅក្នុក្រុងប៉ោយប៉ែត បន្ទាប់ពីច្រកព្រំដែនប៉ោយប៉ែត ដែលនឹងជួយសម្រួលទៅដល់ការធ្វើពាណិជ្ជកម្ម​រវាងកម្ពុជានិងថៃ ការដឹកជញ្ជូនទំនិញចេញចូលរវាងកម្ពុជា-ថៃ ការចេញចូលរបស់ភ្ញៀវទេសចរជាដើម និងម្យ៉ាងទៀតដើម្បីកាត់បន្ថយការកកស្ទះនៅច្រកព្រំដែនប៉ោយប៉ែត និងខាតបង់ពេលវេលាក្នុងការរង់ចាំ៕