អចលនទ្រព្យ អ្នកសល់លុយល្មមៗចង់វិនិយោគលើដីធ្លី ឬទិញផ្ទះ?

អចលនទ្រព្យ  អ្នកសល់លុយល្មមៗចង់វិនិយោគលើដីធ្លី ឬទិញផ្ទះ?

ដកស្រង់ និង កែសម្រួលដោយ កុមារា អុន ថារិទ្ធ

Posted 11/9/2018

ការវិនិយោគលើអចលទ្រព្យគឺជាការវិនិយោគដ៏ល្អមួយ  ពីព្រោះថានណារក៏មានតម្រូវការអចលនទ្រព្យដែរដូចជាដី ឬផ្ទះជាដើម។ ហើយតម្លៃដីធ្លីគឺមិនងាយនឹងចុះថ្លៃទេ ដោយសារតែមនុស្សចេះតែកើនឡើងជារៀងរាល់ថ្ងៃ តែដីគឺមិនរីកនោះទេ។ ដូច្នេះសម្រាប់អ្នកសល់លុយល្មមៗគួតែវិនិយោគលើដីឬផ្ទះ?

១.ការវិនិយោគលើដី គឺជាជម្រើសវិនិយោគដ៏ល្អមួយសម្រាម់អ្នកដែលមានលុយល្មមៗ។ ព្រោះថាដីគឺប្រៀបដូចជាសាច់គោមិនទាន់ស្លរអ៊ីចឹង យើងចង់យកទៅស្លរសម្លរអីក៏បានដែរ  ឯដីក៏ដូចគ្នាគឺអាចយកទៅប្រើបានក្នុងគោលបំណងច្រើន ដូចជា​ សង់ផ្ទះ ធ្វើឃ្លាំង ធ្វើភោជនីយដ្ឋាន ធ្វើកសិកម្មជាដើម។

ដូច្នេះហើយនៅពេលដែលយើងចង់លក់ចេញវិញ គឺងាយស្រួលរកអតិថិជន និងស្រួលលក់ជាងផ្ទះ ហើយដីក៏មានការកើនថ្លៃលឿនជាងផ្ទះដែរ។

២.​ សម្រាប់ការទិញផ្ទះ គឺថាផ្ទះវាត្រូវបានសង់ឡើងជារូបរាងមួយច្បាស់លាស់ទៅហើយ វាមិនងាយកែច្នៃទៅប្រើក្នុងគោលបំណងផ្សេងៗបានច្រើនដូចដីនោះទេ ប៉ុន្តែផ្ទះមានចំណុចមួយល្អជាងដីត្រង់ថាអាចរកចំណូលបានជាប្រចាំខែពីការជួល ប្រមាណពី៣%ទៅ៤%នៃតម្លៃផ្ទះនោះ។ ជាទូទៅការកើនឡើងនៃតម្លៃផ្ទះសរុបទាំងចំណូលការជួលបានប្រមាណជា១០%ទៅ១៥%ប៉ុណ្ណោះក្នុងមួយឆ្នាំ ប៉ុន្តែផ្ទះវាមានអត្រាកើនថ្លៃយឺត និងតិចជាងដី។

លោក គីម ហ៊ាង ជាអ្នកជំនាញអចលនទ្រព្យធ្លាប់បានលើកឡើងថាសម្រាប់អ្នកដែលមិនសូវមានលុយ ឬអ្នករៀការហើយថ្មីថ្មោង គួរតែវិនិយោគលើដីគឺល្អជាងផ្ទះ។ ប៉ុន្តែសម្រាប់ខុនដូរវិញគឺចំពោះតែអ្នកដែលសល់លុយច្រើនតែប៉ុណ្ណោះ។

លោក ម៉ម សិរីបញ្ញា ក៏ធ្លាប់បានលើកឡើងដែរ យុវជនឥឡូវចូលចិត្តវិនិយោគលើដីច្រើន តែក៏ត្រូវមើលទីតាំងណាដែលល្អក្នុងពេលអនគតដែរ ដើម្បីចំណេញមកវិញច្រើនផងដែរ៕

អត្ថបទដោយ៖ ប៉េង ផានិត